За дачу хабару інспектару ДАІ сілавікі затрымалі ўладальніка трактара. У дзяжурную частку Шклоўскага РАУС паступіла паведамленне: у вёсцы Старая Вадва ў выніку ДТЗ пашкоджаны аўтамабіль. Вінаваты ў здарэнні ўцёк.
Супрацоўнікі ДАІ, выбыўшы на месца, аператыўна ўстанавілі ўцекача: 42-гадовага жыхара гэтай жа вёскі. Высветлілася, што пасведчання кіроўцы ён не мае, а аўтааварыю ўчыніў, кіруючы трактарам, на якім дазволіў праехаць 64-гадовы аднавясковец — уладальнік транспартнага сродку.
Сам уладальнік трактара паспрабаваў вырашыць сітуацыю. Нягледзячы на папярэджанне міліцыянера, вясковец пакінуў у службовым аўтамабілі ў якасці хабару 300 даляраў. Супраць яго распачалі крымінальную справу.
