На турнір, які паўстаў яшчэ ў бытнасць журналіста Аляксандра Івуліна палітычным вязнем, сёлета заявіліся 24 каманда. Уладальнікам Кубку Івуліна сталася каманда «TI Rabona». Сёлета на турнір прыехалі палітык Святлана Ціханоўская і сакратар Міністэрства спорту Польшчы Пётар Борыс.
Сярод удзельнікаў былі адна ўкраінская і дзве польскія дружыны. Астатнія — беларускія. З Варшавы, Вільні, Кракаву, Гданьску, Беластоку, Бялай Падляскі, Познаня, Лодзі.
Пра турнір у сваім інстаграме напісаў і сам арганізатар, аршанец Аляксандр Івулін:
«У 2022-м я быў за плотам. У гэты час хлопцы арганізавалі першы турнір у Варшаве ў маю падтрымку. Прыкладна тады мне ў рукі патрапіў спартовы выпуск часопіса Esquire з калонкай майго любімага Фрэдрыка Бакмана. У ёй шведскі пісьменнік расказваў, як трэніраваў футбольную каманду дачкі. Перачытваў гэты тэкст разоў дзесяць. Такія рэчы ў калоніі на вагу золата. Вось цытатка адтуль:
— Усё, што мы робім разам, падпарадкоўваецца аднаму і таму ж правілу, якое распаўсюджваецца на ўсіх дзяцей і іх бацькоў: спачатку мы робім гэта для цябе, а потым ты робіш гэта для нас.
У гэтым годзе Кубка магло і не быць, але мы яго зрабілі. Зрабілі, таму што ўлетку дзясяткі людзей пісалі ў твары з пытаннем: «А калі будзе Кубак Івуліна? Зрабілі, бо ўсё яшчэ больш за 1400 чалавек ні за што працягваюць сядзець у беларускіх турмах. І калі там я выгуляў чэмпіянат калоніі ў футболе, то зараз ім забаронена набліжацца да пляцовак.
Зрабілі, каб сабраць каля сотні ахвяраванняў на дапамогу тым, каму зараз складаней. Выйшла больш за 400 еўра».
