Некалькі дзён працягваецца інтэнсіўны кантроль за дарогамі вакол Дуброўны і дарогай з Дуброўны да Оршы. Прычына такой працы з боку ДАІ – праверкі, якія, паводле нашай інфармацыі, прыязджалі ў райцэнтр не толькі з Віцебска, але і з Менска. Відавочна, такая ўвага інспекцыі не паўстала дарэмна – ў канцы лістапада за стырном у нецвярозым выглядзе трапіўся афіцэр раённай міліцыі горада Дуброўна. На жаль, больш падрабязнай інфармацыяй не валодае ніхто, апрача саміх органаў. За гэты год два афіцэры міліцыі Дубровеншчыны трапілі ў рукі сваіх жа калег за кіраванне аўтамабілем у п’яным стане.
Акрамя таго, у апошнія дні на дарогах Дубровеншчыны і суседняй Аршаншчыны назіраецца галаледзіца, якая ўжо выклікала шмат сутыкненняў аўтамабіляў, аварый разнастайнай цяжкасці. Аўтамабільная інспекцыя актыўна патрулюе дарогі яшчэ і з мэтай папярэдзіць, прадухіліць магчымыя аварыі.
