Праблемы з вывазам смецця, на жаль, закранулі, не толькі Оршу, але і гарады паблізу. Некалькі гадоў таму беларусы са спачуваннем глядзелі на кадры з Італіі, дзе ў буйным горадзе Неапаль існавалі велізарныя праблемы з вывазам смецця. У выніку жыхары літаральна жылі сярод смецця. Гэты ж прыклад нашы чытачы прывялі ў каментарох да матэрыялу "Смецце разлятаецца". Але ўжо 8-га студзеня большасць смецця было звезена камунальнымі службамі, сітуацыя стала імкліва выпраўляцца.
Але цяпер параўноўваць з Неапалем у кепскім сэнсе даводзіцца Барань. Нашы чытачы даслалі на адрас рэдакцыі некалькі фотаздымкаў кантэйнераў, якія знаходзяцца побач з мясцовай крамай "Вікторыя". Жыхары Барані скардзяцца, што праблемы з вывазам смецця з'явіліся тут не толькі на святы, яны былі і раней. А пры гэтым кантэйнеры абслугоўваюць 7 дамоў.
