Орша, Здарэнні

"Белсат" пра ператрус офіса

09.03.2017 14:01

3485 праглядаў, 3 каментара

Тэлеканал "Белсат" зняў рэпартаж пра ператрус офіса Кааліцыі дэмакратычных сіл у Оршы.

Хваля пратэстаў супраць дэкрэту пра дармаедства распаўсюдзілася па ўсёй Беларусі. У многіх гарадах праходзяць альбо яшчэ толькі запланаваныя "Маршы недармаедаў", на якія прыйдуць людзі, каб выказаць сваю нязгоду з уладамі па антыканстытуцыйным законе. У Оршы такая акцыя запланавана на 12-га сакавіка на Цэнтральнай плошчы горада побач з Універмагам. Улады пачалі прадпрымаць прэвентыўныя меры па запалохванні грамадскіх актывістаў, якія могуць прыняць удзел у Маршы. Увечары 6-га сакавіка міліцыянты і супрацоўнікі Следчага камітэту зрабілі ператрус на офісе Кааліцыі дэмакратычных сіл Оршы, з якога канфіскавалі ўсю тэхніку ў мэтах экспертызы па справе пра фальшывыя грошы. Следчыя нібыта падазраюць, што на офісе маглі вырабляцца падробныя купюры. Тэлеканал "Белсат" зрабіў рэпартаж пра здарэнне.