У Талачыне паабяцалі пабудаваць басейн. Гэта зрабіў намеснік прэм'ер-міністра Беларусі Васіль Жарко на сустрэчы з жыхарамі горада. Урад высветліць пытанне, якім чынам можна вылучыць грошы на пабудову басейна ў горадзе, каб талачынцы перасталі ездзіць у суседні Круглянскі раён, каб паплаваць. Разглядалася і пытанне аўтобусаў, якія могуць перавозіць інвалідаў-вазочнікаў. Пакуль на ўвесь Талачын толькі адзін аўтобус, які можа рабіць гэта, маючы неабходныя прыстасаванні і пляцоўку.
Былі скаргі на рашэнні судоў, на цеплаабмен у школах. Прагучала прапанова ўшанаваць памяць Льва Даватара - Героя Савецкага Саюза. Наведаў сустрэчу з Васілём Жарко і вядомы ў рэгіёне актывіст Мікалай Петрушэнка. Пра свае прэтэнзіі ён напісаў пасля сустрэчы ў фэйсбуку.
