Алесю на момант смерці было 46 гадоў. Ён прыйшоў у грамадскую дзейнасць яшчэ ў студэнцкія гады, калі вучыўся на хімфаку БДУ. МАлады Алесь далучыўся да Беларускага народнага фронту і актыўна ўключыўся ў яго дзейнасць на Аршаншчыне. З сярэдзіны 90-х Шутаў усё больш адыходзіў ад палітычнай сферы ў моладзевую дзейнасць. Ён стаў заснавальнікам шэрагу моладзевых арганізацый у нашым рэгіёне, некаторыя з якіх працуюць і да гэтае пары. Алесь навучыў і выхаваў цэлы шэраг грамадскіх актывістаў, якія сёння займаюць розныя пасады ў розных арганізацыях і гарадах краіны.
Ён умеў аб'ядноўваць людзей і таму ў той час, калі ў дэмакратычным руху ствараліся і развальваліся розныя палітычныя кааліцыі, у Оршы ён змог аб'яднаць у кааліцыю амаль усе дэмакратычныя партыі і грамадскія арганізацыі.
Нажаль у мінулым годзе Алесь раптоўна памёр. Ён патрапіў у бальніцу з запаленнем лёгкіх, а ўжо ў бальніцы ў яго адарваўся тромб, што і прывяло да імгненнай смерці.
