Праўда, у невялікім гарадку і злачынствы не самыя маштабныя. Так, паводле міліцыі ў перыяд з 15 па 22 лістапада невядомы забраўся ў гаспадарчую прыбудову дома пенсіянеркі і вынес адтуль 7,5 кілаграмаў сала. Агульны кошт сала міліцыянтамі быў ацэнены ў 11 рублёў і 40 капеек. 27 лістапада была заведзена крымінальная справа, у якасці падазраванай у ёй праходзіць раней судзімая жанчына 1975 года нараджэння.
Другое злачынства ў Дубровенскім раёне пра якое паведамляе зводка міліцыі, адбылося ў перыяд з 9-30 да 18-30 27 лістапада. Невядомы зламаў дзвярныя засовы і з дачнага дома скраў бензапілу, электралобзік, шурупавёрт, электрадрэль і вуглашліфмашынку. Агулам страты ацэнены на суму ў 765 рублёў. Падазраваным па справе праходзіць мужчына 1978 года нараджэння.
