У міліцыю Лёзненскага раёну звярнуўся 38-гадовы непрацуючы і заявіў, што ў ноч на 10 сакавіка пасля распіцця спіртных напояў невядомы злачынца вынес з яго дачнага дома шрубавёрт і 5 кг сала. Матэрыяльны ўрон склаў 200 рублёў. Пры гэтым пацярпелы толькі праз чатыры дні склаў заяву ў міліцыю. Яна неўзабаве ўстанавіла, хто мог здзейсніць крадзеж. У злачынстве падазраецца 31-гадовы беспрацоўны мужчына.
А ў Аршанскім раёне хтосьці скраў з хаты пнеўматычны фарбараспыляльнік. Пра гэта заявіў працоўны 1972 года нараджэння. Крадзеж адбыўся ў перыяд з 5 па 22 сакавіка. Навясны замок быў сарваны, і фарбараспыляльнік коштам 50 рублёў быў забраны злодзеем. Мужчына звярнуўся ў міліцыю адразу пасля выяўлення страты. Злачынца шукаюць, распачата крымінальная справа.
