У Аршанскім раёне скралі барсетку з грашыма. Пра гэта паведаміў індывідуальны прадпрымальнік 1975 году нараджэння. 23-га сакавіка каля 22-й гадзіны ён ехаў у электрычцы і пакінуў барсетку без дагляду на нейкі час. Гэтым і скарыстаўся невядомы. У барсетцы знаходзіліся дакументы і грошы ў памеры 150 беларускіх рублёў і 17 даляраў ЗША.Агульная матэрыяльная шкода ў пераліку на беларускую валюту складае 223 рублі. Супрацоўнікі аператыўнай групы міліцыі ўсталявалі, што злачынства здзейсніў беспрацоўны грамадзянін 1984 году нараджэння. Пачата крымінальная справа па частцы 1 артыкулу 205 крымінальнага кодэксу Рэспублікі Беларусь.
Нагадаем, што зусім нядаўна пры выхадзе з электрацягніка грошай пазбылася маладая жыхарка Коханава, а злодзеем нечакана аказалася бабуля, якая раней ужо адбывала турэмны тэрмін за падобнае злачынства. Пра гэта наш сайт пісаў у матэрыяле “Пенсіянерка абакрала школьніцу”.
