У Оршы распачаўся суд, які можа закрануць дзесяткі тысяч маладых людзей па ўсёй краіне. Справа тычыцца нашывак, якія былі на вопратцы аднаго з фанатаў ФК "Орша" і з-за якіх ён быў выведзены са стадыёна, а потым і затрыманы. Такія нашыўкі, сапраўды, носяць дзесяткі тысяч маладзёнаў, нават, не заўсёды разумеючы што яны азначаюць.
Раней эксперт з Віцебску Дзядзінкін А.Л. зрабіў заключэнне, што такія абвеятуры, якія былі на нашыўках (абвеятуры мы не прыводзім адмыслова) распальваюць сацыяльную варожасць паміж моладзю і міліцыянтамі. Цяпер высновы эксперта павінен падцвердзіць суд. Пасля гэтага яны паўнавартасна будуць прызнаныя экстрэмісцкімі матэр'яламі.
Суд распачаўся 28 жніўня ў закрытым рэжыме, але прыйсці да адназначных высноваў не змог. Суддзя Байцова перанесла яго на 30 жніўня, каб на разглядзе справы мог прысутнічаць і сам эксперт, які рабіў заключэнне. Справа ў тым, што ў фаната, які цяпер мусіць даказваць, што аніякага экстрэмізму ў спалучэнні тых чатырох літараў няма, узнік шэраг пытанняў да эксперта. Сярод іх: чаму экспертызай займалася не дзяржаўная, а прыватная арганізацыя, чаму эксперт гісторык, а не сацыёлаг ці культуролаг і г.д.
10268
хватает еще у нас экспертов-дединкиных. профессор блин.