Група тураператараў з Беларусі азнаёмілася з аб'ектамі турыстычнага паказу Смаленскай вобласці і сустрэліся са смаленскімі калегамі. Асаблівая ўвага была ўдзелена развіццю трансгранічных турыстычных маршрутаў. Найбольш запатрабаванымі ў смалянаў у 2018 годзе сталі экскурсійныя паездкі ў Мсціслаў, Шклоў і Оршу. Смаленскія калегі адзначылі станоўчы вопыт развіцця турызму ў Рэспубліцы Беларусь і выказалі пажаданні па далейшым удасканаленні інфраструктуры турызму ў прыгранічных турыстычных цэнтрах.
У планах бакоў развіццё інфармацыйнага партала з працоўнай назвай «Падарожжа па беларуска-смаленскім прымежжы», сумеснае прасоўванне турыстычных магчымасцяў у СМІ і сацсетках, прадстаўленне сумеснага турыстычнага прадукту на выставах, арганізацыя прэс-тураў і іншае. У аддзяленні Пасольства Беларусі ў Смаленску адбылася рабочая сустрэча з прадстаўнікамі беларускага турбізнесу, паведамляе афіцыйны сайт пасольства РБ у Расеі. Былі абмеркаваны перспектывы ўкладу беларускага турызму ў развіццё беларуска-смаленскіх гандлёва-эканамічных адносін.
Паездка была арганізавана Нацыянальным агенцтвам па турызму Рэспублікі Беларусь і турысцка-інфармацыйным цэнтрам «Смаленскі церам».
