28 лістапада ў 14 гадзін 10 хвілін на насыпу чыгуначнага моста, размешчанага на 94-м кіламетры перагону Орша-Чэрвіна каля вёскі Красны бераг Аршанскага раёна, пры правядзенні рамонтных работ выяўлена 11 артылерыйскіх снарадаў калібру 105 мм, часоў ІІ Сусветнай вайны. Аб работах і выяўленні боепрыпасаў паведамляе сайт УУС Віцебскай вобласці. На месца знаходкі была выкліканая сапёрна-піратэхнічная група в/ч 5524 УВ МУС Рэспублікі Беларусь. Боепрыпасы былі знішчаныя.
Гэта ўжо другое месца на карце Аршаншчыны за 2018 год, дзе кожны дзень існавала рызыка выбуху цягніка, які праходзіў бы гэтай каляінай. Раней у ліпені страшную знаходку зрабілі на рацэ Адроў на мосце каля Целянцеева. Спачатку выявілі 54 трацілавыя шашкі, а праз тры дні непадалёк яшчэ 100. На шчасце, ні тады шашкі, ні цяпер снарады за амаль 80 гадоў ні разу не ўзарваліся. Гэта сведчыць пра дзве рэчы — іх ўмелі хаваць вельмі надзейна і непрыкметна, а таксама пра тое, што рэха вайны робіць рызыкоўным перасоўванне па дарогах на дзесяцігоддзі наперад.
Андрей Р
Да ничего там не взорвалось бы...Этот хлам уже сгнил давно.