Першы раз гэтую краму паспрабаваў абпрабаваць жыхар сталічнага раёна некалькі год таму. Тады ў выніку рабаўніцтва вогнестрэльнае раненне атрымала адна з прадаўшчыц. 13 сакавіка сайт абласной міліцыі паведаміў пра яшчэ адно рабаўніцтва той жа самай крамы.
40-гадовы мужчына знатна выпіваў і вырашыў "дагнацца". Прыйшоў у краму, а яна была зачынена (міліцыя паведамляе, што крама ўжо зачынілася па сканчэнні рабочага дня). Але жаданне выпіць было настолькі моцным, што той факт, што крама спыніла працу аршанца не спыніў. П'яны падняў камень і разбіўшы вакно крамы залез унутар. Там у гэты час яшчэ знаходзіліся прадаўшчыцы, але і гэта не стала перашкодай для рабаўніка. Проста праз вакно ён пачаў даставаць патрэбны яму тавар.
Набраўшы колькі патрэбна, рабаўнік палез з вакна сам. Тут яго і сустрэў знаёмы адной з прадаўшчыц, які чакаў сяброўку на вуліцы. Мужчына схапіў рабаўніка і змог яго затрымаць пакуль на месца здарэння не прыехала міліцыя. Аказалася, што рабаўнік раней ужо быў судзімы.
