Самым папулярным матэрыялам лютага стала інфармацыя аб зняцці рэйсу Масква - Ніца. Цягнік быў часова зняты з раскладу праз каранавірус. Тады ў Оршы толькі пачаліся размовы пра каранавірус. Праз нядбайнасць дзяржавы ў справе COVID-19 і залішні давер многіх людзей да абяцанняў чыноўнікаў, шмат хто першапачаткова паставіўся да вірусу несур'ёзна. Каранцін уведзены так і не быў, што дапамагло хваробе распаўсюдзіцца і ўнесці нямала чалавечых жыццяў, якія можна было б захаваць.
Другім па папулярнасці за люты 2020 году стаў артыкул пра візіт тагачаснага кіраўніка Камітэту дзярджкантролю Анфімава ў наш горад і яго крытыку выканання Плану развіцця Аршанскага раёну.
"Віцебскэнерга" ў гэтым месяцы купляў драпежных кляшчоў і блашчыц для цяпліц у Аршанскім раёне. Закуплялі такіх казурак-энтамафагаў як амблісеюс Свірскі, макрафулус і фітасеюлюс персіміліс.
Таксама ў гэтым месяцы вялікі рэзананс выклікаў візіт будучага кандыдата ў прэзідэнты Беларусі, а затым палітвязня Сяргея Ціханоўскага. Ён сваімі відэа паказаў, як дзяржава, на яго думку, абкрадае людзей, прымушаючы іх працаваць за капейкі і не мець правоў.
У аварыі пад Стахоўкай пацярпелі тры чалавекі, адна жанчына памерла ў лякарні.
