Палітзняволеная паведаміла свайму брату Генадзю Касьяну, што канфлікт улагоджаны. Наталлі не падабалася гучнасць радыё ў камеры, якое ўключалі напоўніцу. Галадоўку Хершэ пачала 30 студзеня, і гэта ўжо не першы яе падобны пратэст за кратамі.
У канцы верасня 2021 году Наталлю Хершэ перавялі ў турму ў Магілёве. Яе асудзілі на 2,5 года за сарваную з амапаўца балаклаву. У Швейцарыі, дзе жыла аршанка, за такое б маглі не даць нават штрафу. Аднак федэральны ўрад Швейцарыі збіраецца адхіліцца ад палітыкі іншых еўрапейскіх краін і паслаць у Менск амбасадара для ўручэння даверчых грамат Лукашэнку. У Берне лічаць, што гэта дапаможа палепшыць у тым ліку ўмовы ўтрымання Наталлі Хершэ. Аднак шэраг швейцарскіх палітыкаў лічыць такое рашэнне здрадай, і мяркуе, што сітуацыю выправіла б толькі жорсткая лінія дзяржавы.
Сама Наталля Хершэ, нягледзячы на магутны ціск на сябе, катэгарычна адмовілася пісаць прашэнне аб памілаванні на імя Лукашэнкі, якога не прызнае законным кіраўніком Беларусі. Цяперашняя галадоўка ўжо не першая для Наталлі за кратамі.
Тым часам карыкатурыст Джанлука Канстанціні прысвяціў аршанцы малюнак, запатрабаваўшы вызваліць яе з-за кратаў.
