Аб’яднаны пераходны кабінет на чале са Святланай Ціханоўскай узнагародзіў 13 чалавек медалём Няскораных. У тым ліку ўзнагароду атрымала і Наталля Хершэ. Грамадзянка Швейцарыі, нараджэнка Воршы, у 2020 годзе адмыслова прыехала ў Беларусь і не змагла спакойна глядзець на тое, што адбываецца на пратэстах. Яна выступіла супраць гвалту і за свабоду выбару. Пратэставала супраць дыктатуры Лукашэнкі, і так і не напісала прашэння аб памілаванні на ягонае імя. За гэта адбыла тэрмін у турме.
Узнагарода носіць імя славутай беларускай паэткі, палітычнай зьняволенай савецкіх лагераў — Ларысы Геніюш.
Пра ўзнагароджанне заявілі ў час трэцяй канфэрэнцыі «Новая Беларусь», што праходзіць гэтымі днямі ў Вільні.
