Амбасадарка Швейцарыі ўсё ж такі ўручыла даверчыя граматы беларускаму МЗС. Хаця калі іншыя амбасадары - з краінаў трэцяга свету і Расіі - уручалі такія граматы, то амбасадарка гэтай еўрапейскай краіны на мерапрыемстве не прысутнічала. І ўсё ж такі сюрпрызу не адбылося. Для Швейцарскай канфедэрацыі занадта прынцыповае пытанне вызваленне ўраджэнки Аршаншчыны, а цяпер грамадзянкі гэтай краіны Наталлі Хершэ, якая прызнаная палітвязнем і знаходзіцца ў Магілёўскай турме.
Уручэнне даверчых граматаў самому Лукашэнку - пытанне часу, наўрад ці тут адбудзецца нейкі цуд. Пры гэтым сам Швейцарскі бок спрабуе падкрэсліваць, што гэта не азначае прызнанне легетымнасці сёняшняй улады.
