Жыхарам нашага рэгіёну люты 2022 году запомніцца перш за ўсё поўнымі нянавісці выступленні прэзідэнта суседняй Расеі ў дачыненні ўкраінцаў, а між радкамі і да ўсіх рэспублікі, якія выйшлі з СССР. Ужо 24 лютага Пуцін пачаў паўнавартасную вайну супраць Украіны, прадвеснікам якой сталі падзеі 2014 году. Канфлікт тлеў і разгарэўся, атрымаўшы новыя «дровы» з Масквы. Рэдактар Orsha.eu Ігар Казмерчак на той момант якраз быў у Чарнігаве, да якога наблізіліся расейскія акупанты. Адтуль Ігар пачаў свой відэаблог, расказваючы пра падзеі, якія адбываюцца навокал.
За некалькі дзён да вайны ўлады Беларусі вызвалілі з турмы аршанку Наталлю Хершэ — такім быў вынік дамоўленасці паміж рэжымам Лукашэнкі і Швейцарскай Канфедэрацыяй. За пару тыдняў да свайго вызвалення Наталля абвяшчала галадоўку, каб дамагчыся паляпшэння ўмоў у калоніі, дзе яна адбывала тэрмін па сфабрыкаванай з палітычных прычын крымінальнай справе.
А яшчэ на пачатку лютага таго год наш сайт інфармаваў пра рух расейскай тэхнікі праз Воршу на так званыя «вучэнні», якія насамрэч абярнуліся вайной супраць Украіны.
У Дубровенскім раёне адбылася міграцыйная афера, якая кагосьці ўцягнула ў сум, а кагосьці насмяшыла вынаходлівасцю махляроў. Увішныя дзялкі проста скарыстаўліся момантам, умела і аператыўна. Але ад крымінальнай адказнасці іх гэта не ўратавала.
Таксама на Дубровеншчыне раўнівы муж біў жонку, за што атрымаў «хімію». Прычым жонка была цяжарнай, а злачынца прымусіў яе капаць сабе магілу.
На нашым сайце выйшла новая серыя праекту «Оршазнаўства» з героем Вожыкам, які адразу стаў сімпатычным для нашых чытачоў і гледачоў.
