Выступіўшы ў Вільнюсе, Рызе, Таліне, ён з аншлагам дае канцэрты ў ЗША.
«У Мінесоце быў аншлаг! Дзякуй кожнаму, хто завітаў на Беларускія Каляды!», - піша Сяргей Доўгушаў у Facebook. Яго выступы ўжо адбыліся ў Н'ю-Йорку, Мiнеапалiсе, на выходных прымаюць эстафету Сiэтл i Сан Хасэ. Потым Сяргей Доўгушаў плануе спяваць для жыхароў яшчэ чатырох амерыканскіх гарадоў і завяршыць амерыканскі Калядны тур 25 студзеня.
На яго канцэрты, якія праходзяць у поўных залах, найперш імкнуцца трапіць прадстаўнікі беларускай дыяспары. Бо для іх гэта доўгачаканае спатканне з народнымі спевамі і музыкай. Але і амерыканцы цёпла вітаюць выканаўцу, які знаёміць іх з традыцыйнай музычнай культурай Беларусі.
