Першапачаткова пра галадоўку аршанкі асуджанай на 2,5 гады за тое, што сарвала балаклаву з АМАПаўца, паведаміла Радыё Свабода. Справа ў тым, што кіраўніцтва вязніцы пачало прымяняць да Наталлі катаванні ў выглядзе блакады яе пошты. Ёй перасталі перадаваць лісты і паштоўкі, што праваабаронцы ўспрымаюць як адзін з відаў маральнага катавання. Тое самае зараз прымяняецца да яшчэ аднаго палітвязня з Аршаншчыны - Зміцера Казлова.
Як высветлілася, Наталля 19 студзеня напісала адмову ад прыёма ежы пакуль яе ўмовы ўтрымання не зменяцца. Гэта падзейнічала. За тры дні ёй перадалі 38 лістоў, а таксама перавялі ў іншую камеру з лепшымі ўмовамі.
Вы таксама можаце падтрымаць Наталлю, напісаўшы ёй ліст па адрасе: СІЗО-1, 220030 г. Мінск, вул. Валадарскага, 2
