Гаворка ідзе пра старонку Аляксандра Камленка ў "Аднакласніках". 42-галовага аршанца затрымалі ў гэтым годзе, калі ён вярнуўся ў Беларусь з працы. Раней Аляксандар працаваў у лакаматыўным дэпо, але пасля 2020 года быў ці звольнены, ці сам звольніўся - вельмі падобна, што звальненне было палітычнаматываваным. Пасля гэтага Камленок працаваў дальнабойшчыкам у заходніх краінах. А калі вяртаўся дадому з працы быў затрыманы. Яго абвінавацілі ў пікетаванні ў інтэрнэце (юрыдычны нонсэнс, які стаў звычайнай справай у Беларусі) і абразе нейкай пасадовай асобы. На дадзены момант Аляксандар знаходзіцца ў СІЗА №2 у Віцебску.
Сёння суд Верхнядзвінскага раёну прызнаў старонку Аляксандра ў "Аднакласніках" экстрэмісцкай. Адпаведна, мужчына можа быць абвінавачаны яшчэ і ў экстрэмізме. Што таксама юрыдычны нонсэнс - пакуль Аляксандар меў доступ да старонкі яна экстрэмісцкай не была.
