«Сёння я зноў сустрэўся з нашай суайчынніцай Наталляй Хершэ, у якой усё добра ў цяжкіх абставінах. І зноў Наталля дзякуе ўсім за моцную падтрымку і пастаянную ўвагу, якую яна атрымлівае», - напісаў ён у сваім твітэры.
Раней стала вядома, што аршанка, якая ўжо шмат гадоў пражывала ў Швейцарыі, абвясціла галадоўку. Афіцыйную заяву на адмову ад харчавання яна напісала 19 студзеня, аднак цяпер ужо спыніла галадоўку, бо яе перавялі ў камеру з лепшымі ўмовамі і перадалі 38 лістоў.
У снежні 51-гадовую грамадзянку Беларусі і Швейцарыі прысудзілі да 2,5 гадоў пазбаўлення волі ў калоніі агульнага рэжыму. Яна была прызнана вінаватай у супраціве супрацоўніку органаў унутраных спраў. Акрамя гэтага, Наталля павінна выплаціць пацярпеламу 1000 рублёў. Згодна з матэрыяламі суда, пры затрыманні Хершэ аказала супраціў, сарвала балаклаву з амапаўца і падрапала яму твар. Хершэ віну не прызнала, а праваабаронцы афіцыйна далі ёй статус палітвязня.
