Гульца аршанскага «Вітэну» Хуснідзіна Нішонава прызналі найлепшым футзалістам 2024 году ва Узбекістане. Гулец сёлета далучыўся да аршанцаў
Гэта не першае прызнанне Нішонава найлепшым узбецкім футзалістам. У 2022 годзе, выступаючы за клуб «Джызак Кентэкс», Хуснідзін заваяваў чэмпіёнскае званне ў сваёй краіне і нацыянальны кубак. Акрамя таго, у складзе зборнай Узбекістану заваяваў бронзавы медалі Кубку Азіі. Ужо тады яго прызналі найлепшым у краіне.
Сёлета 26-гадовы Нішонаў прыняў удзел у Кубку свету. Ён загнаў за ўзбекаў галы ў брамы камандаў Нідэрландаў і Парагваю, 2 галы ў 3 гульнях. Аднак зборная Узбекістану не прайшла далей па турнірнай сетцы.
