Чарговым спадужнікам аршанскіх гульцоў стане навічок І лігі першынства Беларусі сталічны «Юні Ікс Лабс». Каманда існуе з 2010 году, яе заснавалі студэнты БНТУ. Доўгі час каманда гуляла ў аматарскай лізе, а затым вырашыла заявіцца ў рэспубліканскае першынство.
«Пра тое, што несур’ёзна ставіцца да сталічнага калектыву не выпадае, сьведчыць хаця б той факт, што калі ЮІЛ гуляў у АЛФ, у ягоным складзе былі гульцы, якія паралельна выступалі за клюбы з рэспубліканскіх дывізіёнаў», — піша онлайн-дзённік «Радыё Аршыца».
«Юні Ікс Лабс» актыўна вядзе ютуб-канал і іншыя сеткі. Узначальвае клуб вядомы ў мінулым цэнтральны абаронца менскага «Дынама» Сяргей Паўлюковіч. За каманду гуляе нападнік Павал Кляннё, які крыху пагуляў летась за стартаўцаў. Таксама ёсьць абаронца Сяргей Мельнік. Іншых футбалістаў, якія бы гулялі за «Воршу» раней, у камандзе праціўніка няма.
Каманды ніколі паміж сабою не сустракаліся. Першая сустрэча адбудзецца ў Менску на стадыёне «Дынама-Юні» ў суботу, 10 траўня. Стартавы свісток, а 18-й.
