У гульні ў адказ з светлагорскім ЦКК, якая адбылася на паркеце суперніка, аршанцы не адчулі вялікіх прабелмаў. Пасля вікторыі дома 6:2 здабытая гасцявая перамога 5:1. Галамі ў складзе «энергетыкаў» адзначыліся Нішонаў, Манаенкаў, Батурын, Разуванаў і Рабыка.
Нішонава, як адзначаў наш сайт на тыдні, раней прызналі гульцом году ў ягоным родным Узбекістане.
Дапамагло аршанцам здабыць перамогу без лішніх клопатаў і выдаленне ў складзе светлагорцаў. Яго на 29-й хвіліне за дэманстратыўную нязгоду з рашэннем арбітра атрымаў гулец ЦКК Мятлушка. У тым самым эпізодзе жоўтую картку выдалі галоўнаму трэнеру «Вітэну» Андрэю Чарніенку.
«Фінал чатырох», у якім вырашыцца лёс Кубку Беларусі ў міні-футболе, адбудзецца ўжо ў наступным, 2025 годзе, у студзені.
