Орша, Здарэнні

Раніцай ужо ёсць пацярпелая ў аварыі. Фота

09.01.2025 12:22

85 праглядаў, 0 каментароў

Яшчэ адна жанчына пацярпела на дарогах Оршы

Учора мы пісалі пра дзве аварыі, у адной з якіх пацярпелі дзве пенсіянеркі. Пра пацярпелых у другой аварыі пакуль інфармацыі няма. Як мы і пісалі, дарога пад Оршай пад вечар стала вельмі слізкая, але, падобна, што і раніцай дарога не стала больш простай для кіроўцаў і пешаходаў. Так можна спрошчана патлумачыць аварыю, якая адбылася 9 студзеня ўжо з раніцы.

ДАІ паведамляе, што каля 8 раніцы на праспекце Тэкстыльшчфкаў на нерэгуляваным пешаходзе аўтамабіль Мазда збіў 54-гадовую жанчыну. У выніку аварыі жанчына дастаўлена ў бальніцу. Пакуль праводзіцца праверка і ДАІ не апублікавала сваю версію прычынаў здарэння.