У чарговай сустрэчы беларускай хакейнай Экстралігі аршанскі «Лакаматыў» сустракаўся ў Жлобіне з «Металургам». Дубль Мельнікава за чатыры хвіліны ў другім перыядзе стаў яскравым момантам для аршанцаў у паядынку. Абодва разы яму асіставаў Субоцін. Аднак гэта і быў адзіны поспех каманды ў матчы.
Агулам жа ініцыятываў больш валодаў «Металург», ён закінуў у браму «чыгуначнікаў» пяць шайбаў. Калі Мельнікаву дзякуючы сваім двум галам удалося зраўняць лік, дык затым жлобінцы ўзмацнілі атакі і зноў дамагліся поспеху. Выніковы лік 5:2 на карысць «Металургу».
У турнірнай табліцы рэгулярнага першынства каманда са Жлобіна ідзе на 4-м радку, а вось аршанцы толькі на 8-м. Зрэшты, наперадзе яшчэ нямала гульняў, таму рана казаць, хто трапіць у вырашальны этап, а хто не.
