Падрыхтоўка футбольнага клуба «Ворша» да першынства Беларусі ў І лізе працягваецца. Пасля больш чым тыдня пасля выхаду з адпачынку каманда дадае да стандартных трэнаванняў, трэнажораў непасрэдную футбольную практыку.
Наша каманда 8 лютага адправіцца ў Магілёў на сустрэчу з мясцовым «Дняпром». Паядынак адбудзецца ў манежы на вуліцы Якубоўскага, 15Б. Дняпроўцы — традыцыйны праціўнік аршанцаў у час падрыхтоўкі да новага чэмпіянату.
Уваход на стадыён вольны. Старт сустрэчы аб 11-й гадзіне.
Мы ўжо адзначалі вялікі шэраг падпісанняў гульцоў у нашай камандзе. Упершыню за многія гады блакітна-чорным удалося захаваць асноўны склад. З моманту той публікацыі аршанцы падоўжылі кантракты таксама з Арцёмам Гонжуравым і Максімам Жэстаравым.
