Краязнаўцы дасылалі Архіепіскаму Дзмітрыю калектыўны ліст, у якім выказвалі занепакоенасць станам помніка архітэктуры - былога Базылянскага манастыра. Ад імя Архіепіскапа прыйшоў разгорнуты адказ на 4 лістах, дзе выкладзена кароткая гісторыя помніка і часткова апісаны сучасны стан. Найбольш важны факт, выкладзены ў лісце, палягае ў тым, што праэктна-сметная дакументацыя для рэстаўрацыі гатовая на 85% і знойдзены грошы для яе аплаты. На саму рэстаўрацыю фінансаў, відавочна, няма, бо Епархія спрабуе ўвесці рэстаўрацыю помніка ў дзяржаўную інвестыцыйную праграму. Прыводзім тэкст адказу цалкам.
