Малады 21-гадовы хлопец, які жыў у Віцебску працаваў у трох гарадах: у родным Віцебску, у Магілёве, а па дарозе заскокваў і ў Оршу. Ва ўсіх гарадах у яго быў адзін метад работы: так званыя "закладкі" - метад продажу наркотыкаў пры якім пакупніку і гандляру, нават, не трэба сустракацца. Хлопец атрымліваў грошы на банкаўскую картку, а дозу пакідаў у нейкім месцы пра якое паведамляў заказчыку.
Маладога хлопца можна было б назваць героем працы за высокія паказчыкі - следчыя высветлілі, што ён зрабіў, як мінімум, 4.800 закладак. Колькі з іх было зроблена ў Оршы Следчы камітэт не ўдакладняе. Пры такіх стаханаўскіх тэмпах работы "закладчык" не быў самастойным у сваёй рабоце - ён з'яўляўся толькі кур'ерам у адной з інтэрнэт-крамаў спецыялізуючыхся на крымінальным тавары.
Хлопец ужо знаходзіцца ў месцы часовага заключэння (да рашэння суда, які, відавочна, і пакіне яго ў заключэнні), а сілавікі цяпер высвятляюць астатніх дзячаў гэтай наркатычнай схемы.
Паводле tut.by
