Гаворка ідзе пра аварыю, якая адбылася 16 кастрычніка прыблізна каля 21-30 на трасе М1. Аўтамабіль каля вёкі Быкачына Смалявічскага раёна наехаў на двух пешаходаў. 45-гадовы мясцовы мужчына загінуў на месцы, а 34-гадовая аршанка патрапіла ў бальніцу.
Выданне kraj.by высветліла некаторыя падрабязнасці. Кіроўца аўтамабіля - 50-гадовая жанчына - жыхарка Вілейскага раёна. На гэтай трасе можна разганяць хуткасць да 120 кіламетраў у гадзіну і, канешне, ніхто не чакае, што на дарозе акажуцца людзі. А гэтая пара перабягала дарогу, нават, без флікераў і ў не дазволеным месцы. А пад час абследвання пацярпелых, аказалася, што яны былі яшчэ і пад градусам. Ды і ўжывалі алкаголь дастаткова рэгулярна. Хаця віна пешаходаў відавочная, звычайна, у такіх выпадках кіроўца не застаецца без пакарання - спецыфіка беларускіх судоў.
