Рабочы 1971 года нараджэння звярнуўся ў Аршанскі РАУС з заявай аб крадзяжы. Ён паведаміў, што з 4 гадзін 9-га снежня да 19 гадзін 10-га снежня невядомы злачынца падабраў ключ да яго адрыны, якая знаходзіцца ў двары па месцы жыхарства ахвяры, і скраў адтуль прадукты харчавання на 59 рублёў. Міліцыянты падазраюць у здзяйсненні злачынства 54-гадовага мужчыну. Пачата крымінальная справа па частцы 1 артыкула 205 Крымінальнага кодэксу Рэспублікі Беларусь.
Варта адзначыць, што прадукты харчавання з'яўляюцца не такім рэдкім аб'ектам для крадзяжоў. Пераважна іх крадуць з лецішчаў, калі няма спажывы ў выглядзе тэлевізараў і грошай. Здараліся і выпадкі, калі злодзею, каб "пагудзець" увечары, не хапала закускі, і ён адпраўляўся на "справу". Матывы мужчыны ў дадзеным выпадку яшчэ высвятляюцца.
Влад
Украл, выпил - в тюрьму.