Толькі ўчора на старонках добраахвотнага пашуковага атраду "Анёл" і на нашым сайце з'явілася інфармацыя пра вышук аршанкі Маеўскай Ірыны Пятроўны. Валанцёры паведамлялі, што яна яшчэ ў студзені сыйшла з дому, каб уладкавацца на работу і з тае пары пра Ірыну не было аніякіх звестак. Ужо сёння раніцай "Анёл" распаўсюдзіў інфармацыю, што жанчына была знойдзена. Падрабязнасцяў і прычынаў знікнення аршанкі пашукавікі не паведамляюць, але адзначаюць, што знайсці яе ўдалося дзякуючы шырокаму інфармаванню.
