Мужчына трапіў у поле зроку ДАІ ў лютым 2025 года: было зафіксавана, што ён кіраваў транспартным сродкам у стане алкагольнага ап'янення. Падчас разбору па факце грубага парушэння ПДР высветлілася, што кіроўцу ўжо затрымлівалі і каралі за "п'яную" язду ў ліпені мінулага года.
У той раз на мужчыну было накладзена адміністрацыйнае спагнанне па ч.1 арт. 317-1 КК РБ. Аднак паўторнае падобнае парушэнне цягам аднаго года "цягнула" ўжо на "крыміналку". І кіроўца, не доўга думаючы, вырашыў схавацца. Міліцыя абвясціла яго ў вышук, на пошукі сышло некалькі месяцаў. Урэшце парушальніка знайшлі і асудзілі.
Суд прайшоў 2 траўня ў аддзеле ДАІ УУС Аршанскага раёна. Аматара сесці за стырно нападпітку аштрафавалі на 12 600 рублёў, на 5 гадоў пазбавілі права займацца дзейнасцю, звязанай з кіраваннем транспартнымі сродкамі, і прызначылі пакаранне ў выглядзе арышту на 3 месяцы. Але і гэта яшчэ не ўсё: суд спагнаў з "бягуна" працэсуальныя выдаткі, звязаныя з яго пошукамі, на суму 30 базавых велічынь (1 260 рублёў).
