Пасля агалоскі інфармацыі ў прэсе Віцебская дыяцэзія прыбрала з сайта аб’яву аб зборы сродкаў для «ваенных падраздзяленняў ДНР і ЛНР».

Размова аб дабрачыннай акцыі «Дапамога жыхарам Данбаса», у рамках якой планаваўся збор не толькі для мірных жыхароў і шпіталяў, але і для ваенных падразделаў самаабвешчаных ДНР і ЛНР. Цяпер Віцебская дыяцэзія выдаліла абвестку з афіцыйнага сайту.

Акцыя была прымеркаваная да праваслаўнага фестывалю «Радасць», арганізаванага Свята-Елісавецінскім манастыром (Менск) пры падтрымцы Віцебскага гарвыканкама і арцыбіскупа Віцебскага і Аршанскага Дзімітрыя, які мае патранат над фестывалем.

Цяпер з тэксту афішы фестывалю знік абзац, прысвечаны акцыі.

Варта адзначыць, што гэта далёк не першы прыклад таго, як кіраўніца Расейскай праваслаўнай царквы (РПЦ) спрыяе, прапагандуе і адкрыта падтрымлівае расейскую ваенную агрэсію, у тым ліку супраць Украіны. Узгадваецца, напрыклад, адзін святочны кірмаш у Воршы, дзе за «сваіх герояў» выдавалі жаўнераў расейскага войска ў Першую ўсясветную, а пра Расею гаварылі не іначай як пра «Отчизну», а не пра замежную для беларусаў дзяржаву.

Нагадаем таксама, што арцыбіскуп Дзімітрый па нацыянальнасці расеец. Ён доўга, у парушэнне беларускіх законаў, узначальваў епархію і адносна нядаўна стаў грамадзянінам Беларусі.