Орша, Здарэнні

Пахуліганіў

22.03.2018 17:08

3229 праглядаў, 0 каментароў

Крыміналка за разбітае вакно

Абласная міліцыя паведамляе пра выпадак хуліганства, які адбыўся на днях у Оршы. Раннім ранкам каля 5-30 у міліцыю звярнуўся жыхар Оршы, які працуе прадпрымальнікам. Паводле яго словаў, нейкі невядомы драўляным тапарышчам разбіў яму ў кватэры шклопакет. Прыехаўшыя на месца здарэння супрацоўнікі міліцыі ацанілі страты прадпрымальніка - кошт шклопакета ў 70 рублёў. Здавалася б, не такая вялікая сума, але за яе таксама давядзецца адказваць. І падазраваны, які цяпер адкажа за вакно быў знойдзены. Ім аказаўся жыхар вёскі Забалацце 1980 года нараджэння (аднагодка пацярпелага). Матыў яго ўчынку - стандартнае хуліганства. Але следчым камітэтам ужо заведзена крымінальная справа.