У Оршы выяўлены незаконныя дзеянні ў адносінах да вогнепальнай зброі, выбуховых рэчываў і боепрыпасаў. Рабочы 1980 года нараджэння з Оршы захоўваў у сябе 10 патронаў калібру 7.62 мм. Супрацоўнікі Галоўнага ўпраўлення па барацьбе з арганізаванай злачыннасцю і карупцыяй знайшлі патроны ў выніку вобшуку на кватэры падазраванага. Пачата крымінальная справа па частцы 2 артыкулу 295 Крымінальнага кодэксу Рэспублікі Беларусь.
На пачатку месяца складовыя часткі стралковай зброі, патроны, порах і ўзрывальнікі былі знойдзены ў жыхара Багушэўска. Тады ж на яго завялі крымінальную справу.
