Часта ў пачатку верасня краязнаўчыя навіны так ці іначай звязаныя з гадавінай перамогі ў Аршанскай бітве 1514 году. Гэтак было і летась. 510 гадоў прайшло пасля Бітвы, а дыскусіі вакол яе працягваюцца. Наш ютуб-канал выпусціў відэа пра гэта.
Акрамя таго, у відэаархівах з’явіліся відэазапісы святкаванняў вялікай перамогі ў 1993 і 1994 гадах.
Нумізмат Андрэй Мялешка ў Вільні прачытаў лекцыю пра манеты і маркі, звязаныя з перамогай.
Агулам жа, Вільня была ў цэнтры ўвагі ў сувязі з цыклам відэа, запачаткаваным нашым сайтам. Месцы, звязаныя з родам Астрожскіх, да якога належаў славуты палкаводзец Канстанцін Астрожскі. Выйшла відэа пра Вострую браму і бітву, дзе гісторык Валерыя Чарнаморцава расказала пра архітэктуру і сутнасць месца.
У юдэйскай тэме з’явіліся два старыя здымкі з унясеннем скрутку Торы і жабраком каля сінагогі ў Дуброўне.
Вяртаючыся да цыклу відэа з Вільні і род Астрожскіх, то выйшлі наступныя ролікі пра: Палац Астрожскіх у Вільні, палац Геркулеса, царкву св.Мікалая, Траецкую царкву і выяву гетмана.
Таксама на нашым ютуб-канале выйшаў ролік пра важнае рэлігійнае месца Воршы. Пра важнасць і неадназначнасць Куцеенскага манастыра.
Урэшце, з наступнага роліку, які выйшаў у канцы верасня, можна даведацца, як манахі Таварыства Ісуса змянілі Воршы. Так, гэта пра езуітаў, іх калегіум і дзейнасць у нашым краі.
