Мы паведамлялі, што старонка «Беларускі архіў» знайшла і выклала ў сеціва рэпартаж тэлебачання пра святкаванне і цяжкасці ў адзначэнні Дня Бітвы пад Воршай у 1994-м годзе. Цяжкасці праявіліся з прыходам да ўлады Аляксандар Лукашэнкі, які з самага пачатку пагарджаў беларускай мовай і не выказваў зацікаўленасці ва ўзмацненні нацыянальнага складніку і шанаванні гісторыі роднага краю.
У 1993-м, да якога адносіцца відэа, становішча выглядала іншым. Інстытут прэзыдэнцтва яшчэ не быў уведзены, выканаўчая ўлада, хоць і была слабой, але не заўсёды выглядала антыбеларускай. Святкуючы Перамогу пад Воршай, тысячы беларусаў маглі і не здагадвацца, што ўжо ў хуткім часе іх суграмадзяне выберуць уладу, якая паставіць на маскоўскія сілы, а беларускія святы будуць забытыя ці нават забароныя. Таму відэа ў 1993-га году надзвычай важнае. На гэты раз, мы бачым перад сабой не рэпартаж, а відэанарэзку пад патрыятычную музыку.
