Публікуем яшчэ адно фота з гісторыі Дуброўны, якое здабыў праект «Майсы».
Жабрак Нахум* у двары сінагогі, 1930 г. Дуброўна, Віцебская вобласць.
(*у музейным апісанні пададзена як «Нахуль», але больш верагодна, што адрукоўка, адзначае праект збірання габрэйскай гісторыі).
Гэта яшчэ адзін здымак Ісая Пульнера з калекцыі Кунстакамеры ў расейскім Санкт-Пецярбургу. У ліпені-жніўні 1930 г. Ісай Мэнделевіч здзейсніў этнаграфічную экспедыцыю па ўсходняй частцы Беларусі (Дуброўна, Ляды, Любавічы).
Жабрак жабраком, але ж мы бачым бутэльку з малаком у ягонай левай руцэ і, праўдападобна, бохан хлеба ў правай.
