Травень 2024 году стаў вельмі прадуктыўным, у яго змясцілася шмат адметных датаў з гісторыі Аршаншчыны, пры якія нам захацелася расказаць. Але наш пералік пачнем з таго, што менавіта ў траўні наш ютуб-канал дасягнуў знакавага юбілею — на ім было апублікавана тысячнае відэа! Што-нішто, а гэта паказвае сур’ёзнасць нашых намераў, а таксама тое, што Orsha.eu, аднойчы ўзяўшыся за новую платформу, метадычна збірала на ёй інфармацыю, каб даводзіць яе да ведама жыхароў, нашых падпісантаў.
У першым травеньскім відэа нас цікавіла, куды ж падзеўся знакаміты Рагвалодаў камень? Расказалі, як з’явіўся і знік адзін з самых значных помнікаў беларускай пісьменнасці.
Наступнае відэа мы прысвяцілі паўстанню Кастуся Каліноўскага на нашых землях. Жыццё і смерць Ігната Будзіловіча, які гераічна змагаўся супраць расейскіх акупантаў за ідэалы паўстання і вольнасць Беларусі.
Караткевіч не прыдумаў легенду пра «Дзікае паляванне Караля Стаха». Як было насамрэч — наша наступнае відэа.
Мала каму вядома, але першы кіраўнік Беларусі некаторы час жыў у нашым рэгіёне. І гаворка не пра сучаснасць, гаворка пра Янку Сераду, які ўваходзіў у Раду БНР. Гэта трэба ведаць кожнаму патрыёту! Адзін з бацькоў-заснавальнікаў БНР пісаў пра Аршаншчыну краязнаўчыя артыкулы! А вы думалі!
