Ja byŭ u Voršy, ale Vorša nie taja,

Jak ni sumna ŭzhadvać heta,

Tut mała što zdolna pryvabić paeta,

Choć ź minuŭščynaj suviaź staraja.

Ja byŭ u Voršy, ale Vorša nie taja…

***

Prostakutnikam płošča, Lenin u kraja

Uzdymaje ruku ŭ pryvitańni,

Karatkieviču pobač – smurod prybiralni,

Źnievažać svajo – zvyčka błahaja.

Ja ž byŭ u Voršy, ale Vorša nie taja…

***

Tut kaliści hrymieła truba bajavaja,

Uzdymalisia chvali Krapiŭny,

Tysiačmi ŭkryvali tut słužak pabitych

Maskalovaj varožaje zhrai.

Byŭ ja ŭ Voršy, ale Vorša nie taja…

***

Ja chadziŭ pa paloch – ziamla ž tut śviataja –

Ja maliŭsia, kab čuŭ Voršu Boh,

Ale kolki ž prajšoŭ ja ŭzdoŭž tych daroh,

Maja sproba zastałaś marnaja.

Ja byŭ u Voršy, ale Vorša – nie taja…