Нагадем, што больш за тыдзень таму на тэрыторыі Талачынскага раёну быў заўважаны самотны зубр. З’яўлялася меркаванне, нават, пра тое, што Зубры два (але гэта аказалася памылкай). Рэдкую жывёлу не сустрэнеш так проста ў беларускіх лясах — ва ўсім свеце гэтых вялікіх быкоў засталося меньш за 8.000, пры гэтым больш за 2.000 з іх жывуць у няволі, а астатнія ў запаведніках і заказніках. Таму з’яўленне вольнагуляючай жывёлы выклікала столькі ажыятажу.
Першы раз жывёлу бачылі не далёка ад вёскі Замош’е, тры дні таму каля вёскі Рэчкі, а літаральна ўчора — 8 лістатапада — заўважылі каля вёскі Варанцэвічы, што на поўдні Талачынскага раёну амаль на мяжы з Круглянскім. Жывёла так і гуляе адна, што гаворыць пра тое, што гэта самец — самкі і маладняк жывуць статкамі, а самцы большую частку года падарожнічаюць самастойна толькі на час гону далучаючыся да статку.
