Пасля падзеяў 9-11 жніўня мінулага года ўсе абмяркоўвалі жорсткасць сілавікоў, канешне, асноўнымі антыгероямі падзеяў сталі міліцыянты, які мелі ў свой бок шмат негатыўных водгукаў. Цяпер міліцыянты, бачна, помсцяць за тыя водгукі. Па адным з іх яшчэ ў мінулым годзе распачалася крымінальная справа ў Оршы.

Гаворка ідзе пра каментар ва ўнутраным чаце адной з гандлёвых кампаніяў, якія маюць сваю краму ў Оршы. Супрацоўнікі ў рабочым чаце абмяркоўвалі не толькі продажы, але і асабістыя рэчы. У запале пасля жнівенскіх падзеяў адзін з супрацоўнікаў выклаў у чат фотаздымкам аршанскага міліцыянта Вішнеўскага. Справа вялася доўга, тых хто знаходзіўся ў чаце па чарзе апытвалі як сведак і ў выніку ўся віна выпала на Арцёма Кандрац'ева. Ён быў затрыманы на трое сутак, знаходзіўся ў віцебскім ІЧУ, пасля вызвалены... На днях распачаўся суд. Арцёма абвінавацілі ў хлусні ў бок Вішнеўскага за што той запрасіў кампенсацыю маральнай шкоды. А пракурор запрасіў 1,5 гады хіміі.

Не зважаючы за хуткую выплату кампенсацыі, прэтэнзіі да Кандрацьева не былі знятыя. А суд стаў цалкам на бок абвінаваўцы. У выніку Арцёма прыгаварылі на 1,5 гады хіміі, але пакуль ёсць тэрмін на абскарджванне ён знаходзіцца на волі. Відавочна, што Арцём таксама будзе прызнаны палітвязнем.