Нагадаем, што аршанка Наталля Хершэ, якую прызналі палітвязнем знаходзячыся яшчэ ў зняволенні ў Мінску абвяшчала галадоўку пратэсту супраць таго, што ёй не перадавалі лісты з волі. Нечакана для яе самой Наталлю перавялі на этап і зараз яна ў Гомелі ў калоніі № 4.
У лісце свайму брату яна апісвае сваё зняволенне. Урыўкі з ліста можна прачытаць тут. Для нас жа важна, што Наталля паведаміла, што новую галадоўку распачынаць не збіраецца, бо стаўленне да яе з боку адміністрацыі калоніі нармальнае. Праўда, яе папярэдзілі, што «палітычныя лісты» ёй могуць не перадаць.
Напісаць Наталлі можна па адрасе: ПК № 4. 246035 г. Гомель, вул. Антошкіна, 3. Наталлі Хершэ.
