Аляксандар Бажкоў быў абвінавачаны ў тым, што на сценах калоніі №8 напісаў надпіс "Жыве Беларусь". Затрыманы ён быў на месцы і ў прынцыпе не адмаўляў здзейсненага. Суд прыгаварыў Аляксандра да трох месяцаў арышту. Пасля апеляцыі, праўда, Аляксандар яшчэ доўгі час быў на волі - пагаворвалі, што яго так доўга не "забіраюць", бо можа патрапіць пад патэнцыйную амністыю.
Усё ж такі ў панядзелак 28 чэрвеня Башкоў адправіўся адбываць тэрмін і правядзе яго ў віцебскім СІЗА №2. Адрас для допісаў: 210026, вул. Гагарына, 2. г. Віцебск Аляксандру Бажкову.
На днях Аляксандар відавочна будзе прызнаны палітвязнем.
