"Цудоўная крама" ў Оршы адпрацавала з канца 2019 года. Першапачаткова на іншым месцы, але пасля вобшукаў на тым месцы з уладальнікам крамы Ігарам Казмерчаком спынілі дамову арэнды. У выніку з канца 2020-га года крама працуе на Міра 3-а. Нажаль пад час апошняга затрымання Ігара, адбыўся і вобшук у краме. Супрацоўнікі ДФР забралі некалькі маек, кепку, кубкі ды іншыя тавары з выявамі герба "Пагоня". Хаця "Пагоня" не толькі не забароненая, яна яшчэ і ўваходзіць у спіс нематэрыльных каштоўнасцяў нашай краіны.
Пасля вобшуку дамова пра арэнду памяшкання крамы была разарваная. Такім чынам, па ўмовах дамовы, "Цудоўная крама" зможа прапрацаваць яшчэ да 16 жніўня. Да гэтага часу большасць тавараў у краме будуць прадавацца са зніжкамі.
Шукаць новае памяшканне ўладальнік не плануе. Па меркаванні калектыву крамы, яна ўжо цудоўна выканала сваю функцыю, а на далейшую яе працу пойдуць занадта вялікія высілкі.
