Беларусь, Здарэнні

Парай закладчыкаў меньш. Відэа

05.10.2021 21:41

3114 праглядаў, 0 каментароў

Жыхар Магілёва, які вучыўся ў Віцебску па дарозе распаўсюджваў наркату ў Оршы

Прэс-служба міліцыі паведамляе пра раскрыццё ланцуга па распаўсюдзе наркотыкаў у Віцебскай вобласці. Першым затрымалі 27-гадовага жыхара Віцебска, які фасаваў наркотыкі для далейшай аптовай перадачы іх закладчыкам. У яго знайшлі 30 грамаў альфа-PVP — вельмі небяспечнага наркотыка, электронныя вагі і упакоўкі для наркотыкаў.

Другім затрымалі 19-гадовага студэнта 1-га курса аднаго з Віцебскіх універсітэтаў, які на вучобу прыехаў з Магілёва. Ён забіраў «аптовую пастаўку», а потым раскладаў раздробныя закладкі. Хлопец працаваў як у Віцебску, так і ў Оршы. Аператыўнікі гавораць пра як мінімум 90 закладак у нашым горадзе і Віцебску.

Трэцім затрымалі 20-гадовага віцебчаніна, які працаваў толькі ў абласным цэнтры ў сваім раёне. На яго рахунку прынамсі 50 закладак.

Раскрутка такой сеткі сапраўдны поспех міліцыі — закладчыкаў лавіць складана, а тут адразу траіх! Ды і колькасць выяўленых наркотыкаў уражвае — 600 грамаў на ўсіх траіх. А гэта каля 4000 дозаў!