Пакуль у гэтай гісторыі мала што вядома, інфармацыя дастаткова абрывістая. Яшчэ ў красавіку мы пісалі, што ў Оршы была затрыманая доктар-стаматолаг Наталля Кукішава. Наколькі нам вядома, яе вінавацілі ў абразе нейкага чыноўніка. І па стане на красавік яна ўжо 5 месяцаў знаходзілася ў зняволенні.
На днях стала вядома, што Наталлю будуць судзіць 17 жніўня ў закрытым судзе за абразу прэзідэнта. Магчыма, што гэта будзе ўжо другі суд. Але нельга выключаць, што Наталля знаходзіла ў СІЗА да суда і справу з абразы чыноўніка перафарматавалі ў абразу прэзідэнта.
